Пра работу сельгаставарыства расказалі старшыня Пружанскага райвыканкама Міхаіл Грышкевіч і дырэктар ААТ «Велікасельскае Агра» Васіль Севасцьянчык.
ААТ «Велікасельскае Агра» – сельскагаспадарчае прадпрыемства, якое спецыялізуецца ў раслінаводстве – на вырошчванні збожжавых культур, рапсу, цукровых буракоў; у жывёлагадоўлі – на мясамалочнай жывёлагадоўлі (малако, мяса БРЖ).
Анатоль Ліневіч азнаёміўся з ходам выканання работ па сяўбе азімага ячменю. На прадпрыемстве пасеяна азімых збожжавых культур больш за 60 % ад плана плошчы сяўбы (у Пружанскім раёне – 55 %).
Адной з асаблівасцяў развіцця сельскай гаспадаркі, у прыватнасці раслінаводства, з’яўляецца моцная залежнасць працэсу вытворчасці ад прыродна-кліматычных фактараў.
У сувязі з неспрыяльнымі ўмовамі надвор’я для аграрыяў (адсутнасць дажджоў, і як следства – восеньская засуха) глеба назапашвае невялікую колькасць вільгаці, але, тым не менш, сяўба працягваецца ў агратэхнічныя тэрміны.
Таксама Анатоль Ліневіч наведаў механізаваны двор, на якім праходзіў бягучы рамонт культыватара.
Падчас рабочай паездкі Міністр наведаў і МТК № 1 ААТ «Велікасельскае Агра», які быў уведзены ў эксплуатацыю ў лістападзе 2022 года. На гэтым комплексе ўтрымліваецца 1200 кароў малочнага накірунку і прыменены самыя перадавыя тэхналогіі па ўтрыманні кароў і стварэнні камфортных умоў для іх.
