11 кастрычніка, Мінск /Кар. БЕЛТА/. Дзяржаўтаінспекцыя дала рэкамендацыі ўдзельнікам дарожнага руху ў моцны дождж. Аб гэтым БЕЛТА паведамілі ў галоўным упраўленні ДАІ МУС.
У пятніцу на большай частцы тэрыторыі краіны прагназуюцца дажджы, у многіх раёнах - моцныя. Ноччу і раніцай месцамі магчымы туман. "Пры руху ў такіх умовах надвор'я, каб пазбегнуць заносу, знізьце скорасць, адмоўцеся ад рэзкіх разгонаў і тармажэнняў, лішніх манеўраў. Пры пагаршэнні бачнасці ўключыце блізкае святло фар, калі з-за інтэнсіўнасці ападкаў прадаўжаць рух немагчыма - плаўна запавольцеся, уключыце аварыйную светлавую сігналізацыю і пакіньце праезную частку. Усе, хто знаходзіцца ў транспарце, павінны быць прышпілены рамянямі бяспекі, дзеці да 12 гадоў перавозіцца ў спецыяльных утрымліваючых устройствах", - падкрэслілі ў Дзяржаўтаінспекцыі.
Неабходна памятаць, што ў тумане адлегласці скажаюцца і прадметы здаюцца далей, чым ёсць на самай справе. Неабходна павялічыць дыстанцыю і бакавы інтэрвал, знізіць скорасць, уключыць процітуманныя фары. Не трэба забываць, што ў сырое надвор'е асфальт можа быць мокрым з-за кандэнсату нават без дажджу. Трэба сачыць за спраўнасцю знешніх светлавых прыбораў, шчотак шклоачышчальніка, сістэмы абдзімання і абагрэву салона.
Пешаходы павінны пераходзіць дарогу, пераканаўшыся, што вадзіцелі іх заўважылі і паспелі спыніцца. "У непагоду адмоўцеся ад перамяшчэння на сродках персанальнай мабільнасці і веласіпедах. Апранайце яркае адзенне павышанай бачнасці, у цёмны час сутак карыстайцеся святловяртальнымі элементамі", - нагадалі вартавыя дарог.-0-
