У мерапрыемстве прынялі ўдзел члены савета на чале з намеснікам старшыні райвыканкама Русланам Супрыновічам. На пасяджэнні падвялі вынікі 2023 года, быў разгледжаны план работы на 2024 год. Узнагароды атрымалі пераможцы абласнога конкурсу ў рамках дзяржаўнага прафілактычнага праекта «Здаровыя гарады і пасёлкі».
Так, у абласным конкурсе прыняў удзел 61 калектыў. Па выніках разгляду прадстаўленых матэрыялаў, былі выбраны пераможцы. У намінацыі «Маладзёжная аўдыторыя» 3-е месца заняў калектыў Пружанскага каледжа — валанцёрскі атрад «Дабрыня». Заахвочвальная ўзнагарода дасталася гімназіі. У намінацыі «Працаздольнае насельніцтва» 1-е месца заняў дзіцячы сад № 4 г. Пружаны, а заахвочвальны прыз атрымаў Пружанскі малочны камбінат. А вось у намінацыі «Асобы пажылога ўзросту» ганаровае 2-е месца заваяваў калектыў Пружанскага тэрытарыяльнага цэнтра сацыяльнага абслугоўвання насельніцтва. Па выніках 2023 года праект «Пружаны — здаровы горад» быў прызнаны адным з найлепшых на раённым узроўні.
Усіх пераможцаў і прызёраў конкурсу ўзнагародзілі дыпломамі і сувенірамі ад Брэсцкага абласнога цэнтра гігіены, эпідэміялогіі і грамадскага здароўя.
Руслан Басак. Фота прадастаўлена інструктарам-валеолагам Кацярынай Калядой
