Адказвае ўчастковы інспектар міліцыі. Як абараніцца ад сямейнага тырана?

Адказвае старшы інспектар прафілактыкі Ірына Сарока:

— Для абароны пацярпелага ў сямейным канфлікце прымяняецца ахоўнае прадпісанне, згодна з якім тыран павінен часова пакінуць агульнае памяшканне. За наўмыснае прычыненне цялесных пашкоджанняў можа быць складзены пратакол па арт. 10.1 КоАП РБ (штраф да 30 базавых велічынь). Сістэматычныя бойкі стануць падставай для ўзбу-джэння крымінальнай справы па арт. 154 КК РБ (да пазбаўлення волі на 3 гады).

Своечасовую дапамогу пацярпелыя ад сямейных скандалаў могуць атрымаць у райаддзеле міліцыі або звярнуцца да сваіх участковых інспектараў міліцыі, якія кожны тыдзень праводзяць прыёмы грамадзян: з 10.00 да 13.00 у будынках сельвыканкамаў, з 17.00 да 20.00 у будынку РАУС.

http://www.budni.by/adkazvae-ўchastkovy-inspektar-milicyi-yak-abaranicca-ad-syamejnaga-tyrana/