У рамках Адзінага дня інфармавання рабочая група па прававой асвеце пабывала на ААТ «Пружанскі завод радыёдэталяў» для сустрэчы з працоўным калектывам прадпрыемства. Перад работнікамі выступілі прадстаўнікі юрыдычных служб аблвыканкама, райвыканкама, Нацыянальнага цэнтра прававой інфармацыі, сацыяльных падраздзяленняў раёна і ЗАГСа.
Першапачаткова спецыялісты аддзела эканомікі райвыканкама азнаёмілі прысутных на сустрэчы з эканамічнай сітуацыяй нашага рэгіёна. Трэба адзначыць, што дзякуючы ПЗР выкананы некаторыя паказчыкі сацыяльна-эканамічнага развіцця Пружаншчыны, у тым ліку з рэалізацыяй інвестыцыйных праграм і імпартазамяшчэння. Важкі ўклад прадпрыемства робіць і ў станоўчае экспартнае сальда.
Госці з абласнога цэнтра расказалі пра тое, дзе можна знайсці праўдзівую юрыдычную інфармацыю ў віртуальнай прасторы, а таксама атрымаць прафесійныя адказы на адпаведныя пытанні.
Быў таксама арганізаваны асабісты прыём жадаючых пракансультавацца са спецыялістамі.
Удзел у рабоце групы прыняла намеснік старшыні райвыканкама Святлана Ханавец.
Алег Сідарэнка. Фота аўтара
